(https://truevisionnews.com/) കനക്കുന്ന വേനലിൽ ശരീരത്തിന് ഉന്മേഷവും തണുപ്പും നൽകാൻ ചിക്കു (സപ്പോട്ട) ഷേക്കിനോളം മികച്ച മറ്റൊന്നില്ല. കുറഞ്ഞ ചേരുവകൾ കൊണ്ട് മിനിറ്റുകൾക്കുള്ളിൽ ഇത് വീട്ടിൽ തന്നെ തയ്യാറാക്കാം.
ആവശ്യമായ ചേരുവകൾ:
നന്നായി പഴുത്ത ചിക്കു (സപ്പോട്ട) - 4-5 എണ്ണം
തണുപ്പിച്ച പാൽ - 2 കപ്പ്
പഞ്ചസാര - ആവശ്യത്തിന് (ചിക്കുവിന് നല്ല മധുരമുള്ളതിനാൽ നോക്കി ചേർക്കുക)
ഐസ് ക്യൂബ്സ് - ആവശ്യത്തിന്
അണ്ടിപ്പരിപ്പ്, ബദാം (അലങ്കരിക്കാൻ - നിർബന്ധമില്ല)
തയ്യാറാക്കുന്ന വിധം:
ചിക്കു നന്നായി കഴുകി തൊലി കളഞ്ഞ് ഉള്ളിലെ കുരു നീക്കം ചെയ്യുക.
ഇത് ചെറിയ കഷ്ണങ്ങളാക്കി മിക്സിയുടെ ജാറിൽ ഇടുക.
ഇതിലേക്ക് ആവശ്യത്തിന് പഞ്ചസാരയും അല്പം പാലും ചേർത്ത് നന്നായി അടിച്ചെടുക്കുക.
ശേഷം ബാക്കിയുള്ള പാലും ഐസ് ക്യൂബ്സും ചേർത്ത് ഒന്നുകൂടി അടിച്ചാൽ രുചികരമായ ചിക്കു ഷേക്ക് തയ്യാർ.
ഗ്ലാസ്സുകളിലേക്ക് പകർന്ന് മുകളിൽ അണ്ടിപ്പരിപ്പോ ബദാമോ വിതറി തണുപ്പോടെ വിളമ്പാം.
Chikku Shake
