വേളം: ഗ്രാമപഞ്ചായത്തിലെ ജനങ്ങളുടെ ദീർഘകാലത്തെ യാത്രാക്ലേശത്തിന് പരിഹാരമായി തച്ചർക്കണ്ടിമുക്ക് സബ് സെന്റർ - കുഴിവയൽ റോഡ് നാടിന് സമർപ്പിച്ചു. ചടങ്ങിൽ വേളം ഗ്രാമപഞ്ചായത്ത് പ്രസിഡന്റ് കെ.സി. മുജീബ് റഹ്മാൻ റോഡിന്റെ ഉദ്ഘാടനം നിർവഹിച്ചു. വാർഡ് മെമ്പർ വി.എം. ദിനേശൻ ചടങ്ങിൽ അധ്യക്ഷത വഹിച്ചു. സ്വാഗതസംഘം കൺവീനർ പി.പി. ചന്ദ്രൻ മാസ്റ്റർ ചടങ്ങിന് സ്വാഗതം ആശംസിച്ചു.
പി.കെ.സി. അസീസ്, എ.ടി. ശ്രീധരൻ, റിനീഷ് കൂടത്തിങ്കൽ, അബ്ദുൽ കരീം മാസ്റ്റർ,അജ്മൽ മാസ്റ്റർ ടി.കെ., കെ.സി. അബ്ദുൽ അസീസ് എന്നിവർ ആശംസകൾ അറിയിച്ചു സംസാരിച്ചു. സ്വാഗതസംഘം ചെയർമാൻ അബ്ദുസ്സലാം കുറ്റിയിൽ ചടങ്ങിൽ നന്ദി രേഖപ്പെടുത്തി. ആഷിഖ് കെ.ടി (എ.ഇ) പരിപാടിയിൽ സന്നിഹിതനായിരുന്നു.
Thacharkandimukku Sub-Center - Kuzhivayal Road inaugurated in Velam Grama Panchayat
