കുറ്റ്യാടി : (https://kuttiadi.truevisionnews.com/) നഗരത്തിലെ പ്രധാന പാതകളിലൊന്നായ റിവർ റോഡിൽ ചാക്കുകളിലാക്കി മാലിന്യം വലിച്ചെറിയുന്നത് പതിവാകുന്നു. റോഡിന്റെ ഓരങ്ങളിലും വ്യാപാര സ്ഥാപനങ്ങൾക്ക് പിന്നിലുമാണ് പ്രധാനമായും മാലിന്യക്കൂമ്പാരങ്ങൾ നിറയുന്നത് .
മീൻ മാർക്കറ്റും നിരവധി കച്ചവട സ്ഥാപനങ്ങളും പ്രവർത്തിക്കുന്ന ഈ പ്രദേശത്താണ് ആളുകൾ നിരുത്തരവാദപരമായി മാലിന്യം ഉപേക്ഷിക്കുന്നത്. ദിവസങ്ങളായി കെട്ടിക്കിടക്കുന്ന ഈ മാലിന്യം കാരണം പരിസരമാകെ അസഹനീയമായ ദുർഗന്ധമാണ്. ഇതുമൂലം ഇതുവഴി കാൽനടയായി സഞ്ചരിക്കുന്നവർ പോലും ദുരിതത്തിലാണ്.
മാലിന്യം പെരുകിയതോടെ ഈ സ്ഥലം ഇപ്പോൾ കൊതുകുകളുടെയും ഈച്ചകളുടെയും കേന്ദ്രമായി മാറിയെന്നും രോഗങ്ങൾ പടരാനുള്ള സാധ്യത വർധിച്ചെന്നും നാട്ടുകാർ ആശങ്കപ്പെടുന്നു. അധികൃതർ ഉടൻ ഇടപെട്ട് ഈ പ്രശ്‌നത്തിന് ശാശ്വത പരിഹാരം കാണണമെന്നാണ് പ്രദേശവാസികളുടെ ആവശ്യം.
Garbage dumps are filling up
.jfif)
