#Latest News #Haritha Karma Sena #Narippatta
നരിപ്പറ്റ: (kuttiadi.truevisionnews.com) മാലിന്യ ശേഖരണത്തിനിടെ ലഭിച്ച സ്വർണ മോതിരം ഉടമയ്ക്ക് തിരിച്ചുനൽകി ഹരിത കർമസേന പ്രവർത്തകർ മാതൃകയായി. നരിപ്പറ്റ ഗ്രാമപഞ്ചായത്തിലെ തിനൂർ വാർഡിൽ കൊറോത്ത് കരുണന്റെ വീട്ടിൽ നിന്ന് പഴവസ്തുക്കളായി ശേഖരിച്ച ബാഗിൽ നിന്നാണ് സ്വർണ മോതിരം ലഭിച്ചത്. കരുണന്റെ ഭാര്യ പുഷ്പയുടേതായിരുന്നു ഈ മോതിരം.
ബാഗ് പരിശോധിക്കുന്നതിനിടയിൽ മോതിരം ശ്രദ്ധയിൽപെട്ട ഹരിത കർമസേന പ്രവർത്തകരായ കടുക്കാൻകണ്ടി ബീന, റീജ അറയുള്ളപറമ്പത്ത് എന്നിവർ ചേർന്ന് ഇത് ഉടമയ്ക്ക് തിരിച്ചേൽപ്പിക്കുകയായിരുന്നു. ഇവരുടെ ഈ സൽപ്രവർത്തി നാട്ടുകാരുടെ വലിയ പ്രശംസ പിടിച്ചുപറ്റി. ഹരിത കർമസേന പ്രവർത്തകരുടെ സത്യസന്ധതയെ വാർഡ് മെംബർ പി.പി. മൊയ്തു അനുമോദിച്ചു. ചടങ്ങിൽ ഇരുവരെയും പൊന്നാട അണിയിച്ച് ആദരിച്ചു. വികസന സമിതി കൺവീനർ വഹാബ് പുതുക്കുടി ചടങ്ങിൽ പങ്കെടുത്തു.
Content Highlight: Green Karma Sena workers honored for returning gold ring















































