തൊട്ടിൽപ്പാലം: (kuttiadi.truevisionnews.com)കോഴിക്കോട് - വയനാട് യാത്രക്കാർക്ക് ഏറെ ആശ്വാസമായി, പൂതംപാറ - ചൂരണി - പക്രന്തളം റോഡിന് 7 കോടി രൂപയുടെ ഭരണാനുമതി ലഭിച്ചതായി ഇ കെ വിജയൻ എംഎൽഎ അറിയിച്ചു . ചുരം പൂർണമായും ഒഴിവാക്കിക്കൊണ്ടുള്ള ഈ ബൈപാസ് റോഡ് നിർമ്മിക്കാനുള്ള തീരുമാനം ഗതാഗതക്കുരുക്ക് ഒഴിവാക്കാൻ സഹായിക്കും.
നിലവിലുള്ള റോഡ് വീതി കൂട്ടി ആധുനികവൽക്കരിക്കാനാണ് പദ്ധതി. ചുരത്തിലെ പതിവ് ഗതാഗത തടസ്സങ്ങൾ കാരണം ഏറെക്കാലമായി ജനങ്ങൾ ഉന്നയിച്ച ആവശ്യമാണിത്. ടെൻഡർ നടപടികൾ പൂർത്തിയാക്കി ഉടൻ തന്നെ പ്രവൃത്തി ആരംഭിക്കുമെന്ന് ഇ കെ വിജയൻ എംഎൽഎ അറിയിച്ചു.
കൂടാതെ, മലയോര ഹൈവേയുടെ ഭാഗമായ ചുങ്കക്കുറ്റി - പൂതംപാറ റീച്ചിന്റെ നിർമ്മാണ ചുമതല ഊരാളുങ്കൽ ലേബർ കോൺട്രാക്ട് സൊസൈറ്റി ഏറ്റെടുത്തതായും എംഎൽഎ വ്യക്തമാക്കി.
Relief for commuters; Administrative approval of Rs. 7 crore for Poothampara - Churani - Pakranthalam road
