കക്കട്ടില്: (kuttiadi.truevisionnews.com/) കുന്നുമ്മൽ മണ്ഡലം കോൺഗ്രസ് മുൻകാല ഭാരവാഹിയും കക്കട്ടിലെ ആധാരം എഴുത്തുകാരനുമായ എലിയാറ ബാലകൃഷ്ണന്റെ നിര്യാണത്തിൽ സർവകക്ഷിയോഗം അനുശോചനം രേഖപ്പെടുത്തി. പി.പി. അശോകൻ അധ്യക്ഷത വഹിച്ച യോഗത്തിൽ രാഷ്ട്രീയ-സാമൂഹിക രംഗത്തെ നിരവധി പ്രമുഖർ പങ്കെടുത്തു.
കെപിസിസി സെക്രട്ടറി വി.എം. ചന്ദ്രൻ അനുശോചന പ്രഭാഷണം നടത്തി. പഞ്ചായത്ത് അംഗം എം.ടി. രവീന്ദ്രൻ, രാജഗോപാലൻ കാരപ്പറ്റ, പറമ്പത്ത് കുമാരൻ, എ.പി. കുഞ്ഞബ്ദുള്ള, ജമാൽ മൊകേരി, വി.പി. കൃഷ്ണൻ, ബീന കുളങ്ങരത്ത്, ഒ. വനജ, ഒ.പി. അഷ്റഫ്, പി. സജിത്ത്, പി.കെ. ലിഗേഷ്, സജീവൻ പാതിരിപ്പറ്റ, പി.പി. സ്നിത എന്നിവർ സംസാരിച്ചു. കുന്നുമ്മൽ മണ്ഡലത്തിലെ പൊതുപ്രവർത്തന രംഗത്തും ആധാരം എഴുത്ത് മേഖലയിലും അദ്ദേഹം നൽകിയ സംഭാവനകളെ യോഗം സ്മരിച്ചു.
Condolences on the passing of Eliyara Balakrishnan
