കുറ്റ്യാടി : (https://kuttiadi.truevisionnews.com/) യുഡിഎഫ് സ്ഥാനാർത്ഥി പാറക്കൽ അബ്ദുല്ലയുടെ ഒന്നാം ഘട്ട പ്രചാരണ പര്യടനത്തിന് നാളെ തുടക്കമാകും. രാവിലെ 9 മണിക്ക് ചെക്കോട്ടി ബസാറിൽ വെച്ച് മുതിർന്ന കോൺഗ്രസ് നേതാവ് കെ.സി. അബു പര്യടനം ഉദ്ഘാടനം ചെയ്യും. തുടർന്ന് വിവിധ കേന്ദ്രങ്ങളിൽ വോട്ടർമാരെ നേരിൽ കണ്ട് വോട്ട് അഭ്യർത്ഥിക്കുന്ന പര്യടനം വൈകുന്നേരം 6 മണിക്ക് അരൂരിൽ സമാപിക്കും.
രാവിലെ 9.30-ന് കാവിൽ റോഡിൽ എത്തുന്ന പര്യടനം തുടർന്ന് ചല്ലിവയൽ, മേമുണ്ട സ്കൂൾ പരിസരം, കുളത്തൂർ, പൊൻമേരി ബാലവാടി പരിസരം എന്നിവിടങ്ങളിൽ വോട്ടർമാരെ കാണും. ഉച്ചയ്ക്ക് 12 മണിക്ക് കല്ലേരിയിൽ പര്യടനം എത്തും. ഉച്ചഭക്ഷണത്തിന് ശേഷം 3 മണിക്ക് കുനിങ്ങാട് നിന്ന് പുനരാരംഭിക്കുന്ന പര്യടനം മുതുവടത്തൂർ, വിലാതപുരം, മംഗലാട്, കീരിയങ്ങാടി, തണ്ണീർപ്പന്തൽ എന്നിവിടങ്ങളിലെ സ്വീകരണങ്ങൾ ഏറ്റുവാങ്ങി ആറ് മണിയോടെ അരൂരിൽ സമാപിക്കും
Parakkal Abdullah's first phase of tour to the people begins tomorrow
