നരിപ്പറ്റ: (kuttiadi.truevisionnews.com) ലോകസമാധാനത്തിന് ഐക്യദാർഢ്യം പ്രഖ്യാപിച്ച് മുസ്ലിം യൂത്ത് ലീഗ് നരിപ്പറ്റ പഞ്ചായത്ത് കമ്മിറ്റിയുടെ നേതൃത്വത്തിൽ യുദ്ധവിരുദ്ധ സംഗമവും ഇഫ്താർ മീറ്റും സംഘടിപ്പിച്ചു. പരിപാടിയുടെ ഔദ്യോഗിക ഉദ്ഘാടനം മുസ്ലിം ലീഗ് ജില്ലാ ട്രഷറർ സൂപ്പി നരിക്കാട്ടേരി നിർവ്വഹിച്ചു. അൻസാർ ഓറിയോൺ അധ്യക്ഷത വഹിച്ച ചടങ്ങിൽ നിയോജക മണ്ഡലം യു.ഡി.എഫ് സ്ഥാനാർത്ഥി കെ.എം. അഭിജിത്ത് മുഖ്യാതിഥിയായി പങ്കെടുത്തു. ഹാരിസ് റഹ്മാനി തിശൂർ യുദ്ധവിരുദ്ധ പ്രമേയ പ്രഭാഷണം നടത്തി.
പുതുതായി തെരഞ്ഞെടുക്കപ്പെട്ട യൂത്ത് ലീഗ് നിയോജക മണ്ഡലം കമ്മിറ്റി ഭാരവാഹികൾക്ക് ചടങ്ങിൽ ഊഷ്മളമായ സ്വീകരണം നൽകി. മുസ്ലിം ലീഗ് നിയോജക മണ്ഡലം സെക്രട്ടറി എം.പി. ജാഫർ, പഞ്ചായത്ത് പ്രസിഡന്റ് ടി. മുഹമ്മദലി, സെക്രട്ടറി കെ.എം. ഹമീദ്, പാലോൽ കുഞ്ഞമ്മദ് തുടങ്ങിയ പ്രമുഖ നേതാക്കൾ സംബന്ധിച്ചു. യൂത്ത് ലീഗ് നിയോജക മണ്ഡലം ഭാരവാഹികളായ വി. അബ്ദുൽ ജലീൽ, മുഹ്സിൻ വളപ്പിൽ, കെ.വി. അർഷാദ് എന്നിവരും പഞ്ചായത്ത് ഭാരവാഹികളായ ടി. ഹിദാഷ്, നൗഷാദ് പാലയാട് തുടങ്ങിയവരും സംസാരിച്ചു. നരിപ്പറ്റയിലെ സാമൂഹിക-രാഷ്ട്രീയ രംഗത്തെ നിരവധി പേർ സംഗമത്തിൽ പങ്കാളികളായി.
Youth League holds anti-war rally and iftar meet
