കായക്കൊടി:(kuttiadi.truevisionnews.com) ലോക വനിതാദിനത്തോടനുബന്ധിച്ച് ചങ്ങരംകുളം അനശ്വര ഗ്രന്ഥാലയം വനിതാവേദിയുടെ ആഭിമുഖ്യത്തിൽ വിപുലമായ ആഘോഷ പരിപാടികൾ സംഘടിപ്പിച്ചു. കായക്കൊടി ഗ്രാമപഞ്ചായത്ത് പ്രസിഡന്റ് യു.വി. ബിന്ദു ചടങ്ങ് ഉദ്ഘാടനം ചെയ്തു. സ്ത്രീശക്തിയുടെയും അതിജീവനത്തിന്റെയും പ്രാധാന്യം വിളിച്ചോതുന്നതായിരുന്നു സംഘടിപ്പിക്കപ്പെട്ട ചടങ്ങുകൾ.
സംരംഭകയും വുമൺ ഐക്കൺ ഇന്ത്യ ജേതാവുമായ മഞ്ജുള ചടങ്ങിൽ മുഖ്യപ്രഭാഷണം നടത്തി. സ്ത്രീകളുടെ സ്വയംപര്യാപ്തതയെക്കുറിച്ചും സാമൂഹിക പങ്കാളിത്തത്തെക്കുറിച്ചും അവർ സംസാരിച്ചു. വാർഡ് അംഗം വിനീത ദിനേശ്, ലൈബ്രറി കൗൺസിൽ അംഗം കെ. പ്രേമൻ, ജ്യോതി ടീച്ചർ, അബിദ സജീഷ്, സ്നേഹ രാജേഷ് തുടങ്ങിയ പ്രമുഖർ ചടങ്ങിൽ സംബന്ധിച്ചു.
ഔദ്യോഗിക ചടങ്ങുകൾക്ക് ശേഷം വനിതാവേദി അംഗങ്ങളുടെ വിവിധങ്ങളായ കലാപരിപാടികൾ അരങ്ങേറി. അംഗങ്ങളുടെ കഴിവുകൾ പുറത്തെടുക്കുന്ന വൈവിധ്യമാർന്ന പരിപാടികൾ ആഘോഷത്തിന് മാറ്റുകൂട്ടി.
Programs were organized under the leadership of Vanitha Vedi at the Changaramkulam Anaswara Library
.jpeg)
