കുറ്റ്യാടി:(kuttiadi.truevisionnews.com) വന്യജീവി ആക്രമണത്തിൽ പൊറുതിമുട്ടിയ കർഷകരെ സർക്കാർ അവഗണിക്കുന്നതിൽ പ്രതിഷേധിച്ച്, കർഷക കോൺഗ്രസ് ചിങ്ങം ഒന്ന് 'കണ്ണീർ ദിന'മായി ആചരിച്ചു. കാർഷിക ഉൽപ്പന്നങ്ങളുടെ വിലയിടിവ്, രാസവളങ്ങളുടെ വിലക്കയറ്റം, കാട്ടുപന്നി, മുള്ളൻപന്നി, മയിൽ, കുരങ്ങ്, ആന, കടുവ തുടങ്ങിയ വന്യമൃഗങ്ങളുടെ ആക്രമണം എന്നിവ കേരളത്തിലെ കർഷകരുടെ ജീവിതം ദുസ്സഹമാക്കിയിരിക്കുന്നു. ഈ സാഹചര്യത്തിൽ കർഷകർക്ക് സമരമല്ലാതെ മറ്റ് മാർഗങ്ങളില്ല.
മറ്റു സംസ്ഥാനങ്ങളിൽ വന്യജീവി ആക്രമണം കുറവാണ്. കാരണം, അവിടെ വന്യമൃഗങ്ങളെ അവയുടെ ആവാസമേഖലയിൽത്തന്നെ നിലനിർത്താനും ജനവാസ മേഖലയിലേക്ക് ഇറങ്ങുന്നത് തടയാനും സർക്കാർ വലിയ ശ്രദ്ധ നൽകുന്നുണ്ട്. എന്നാൽ, കേരളത്തിൽ ഈ വിഷയത്തിൽ സർക്കാർ നിരുത്തരവാദപരമായാണ് പെരുമാറുന്നതെന്ന് പ്രതിഷേധക്കാർ ആരോപിച്ചു.
കര്‍ഷക കോണ്‍ഗ്രസ് കുറ്റ്യാടി നിയോജകമണ്ഡലം മണ്ഡലം കമ്മറ്റിയുടെ നേതൃത്വത്തില്‍ വേളം കൃഷിഭവന്‍ പരിസത്തു നടത്തിയ പ്രതിഷേധപരിപാടി കിസാന്‍മിത്ര എക്‌സിക്യൂട്ടീവ് ഡയരക്റ്റര്‍ കെ.എം വേണുമാസ്റ്റര്‍ ഉദ്ഘാടനം ചെയ്തു. നിയോജകമണ്ഡലം പ്രസിഡണ്ട് ടി.എന്‍ അബ്ദുല്‍നാസര്‍ അധ്യക്ഷത വഹിച്ചു. ജില്ലാസെക്രട്ടറി അസ്ലം കടമേരി, നിയോജകമണ്ഡലം സെക്രട്ടറി ശ്രീധരന്‍ ചാമക്കാലായ് , കുന്നുമ്മല്‍ ബ്ലോക് മെമ്പര്‍ ടി.വി കുഞ്ഞിക്കണ്ണന്‍ ,വേളം മണ്ഡലം കോണ്‍ഗ്രസ് പ്രസിഡണ്ട് ശ്രീധരന്‍ മഠത്തില്‍, കര്‍ഷക കോണ്‍ഗ്രസ് വേളം മണ്ഡലം പ്രസിഡണ്ട് മന്നത്ത് ചന്ദ്രന്‍, ജനറല്‍ സെക്രട്ടറി ഇബ്രാഹിം പാലോടി, യൂത്ത്‌കോണ്‍ഗ്രസ് നിയോജകമണ്ഡലം സെക്രട്ടറി സുജിത്ത് എ.കെ, സലാം കെ.ആര്‍ , നുപ്പറ്റ നസീര്‍ മാസ്റ്റര്‍, നാണു നമ്പ്യാര്‍ പള്ളിയത്ത്,അരിയാക്കി മൂസ, ഇ.പി ഫൈസല്‍ നമ്പാംവയല്‍ തുടങ്ങിയവര്‍ സംസാരിച്ചു .
Kuttiyadi Farmers' Congress observes Farmers' Day as Tears Day
