കുറ്റ്യാടി : (kuttiadi.truevisionnews.com) പ്രതിപക്ഷ നേതാവ് വി.ഡി. സതീശൻ നയിക്കുന്ന പുതുയുഗ യാത്രയുടെ പ്രചരണാർത്ഥം കെപിസിസി സംസ്കാര സാഹിതിയുടെ നേതൃത്വത്തിൽ സംഘടിപ്പിച്ച കലാജാഥ ശ്രദ്ധേയമായി.
കേരളത്തിലെ വിവിധ ജില്ലകളിൽ നിന്നുമുള്ള പത്തിലധികം നാടക കലാകാരന്മാരാണ് കലാവതരണത്തിൽ വേഷമിടുന്നത്. പത്ത് വർഷത്തെ എൽഡിഎഫ് ഭരണത്തിലെ പോരായ്മകൾ അക്കമിട്ട് നിരത്തുന്നതാണ് കളളനും കപ്പിത്താനും എന്ന നാടകത്തിൻ്റെ ഇതിവൃത്തം. സംസ്കാര സാഹിതി സംസ്ഥാന ചെയർമാൻ സി.ആർ. മഹേഷിൻ്റെതാണ് ആശയം. സാഹിതി സംസ്ഥാന ഉപാദ്ധ്യക്ഷനും ഫോക്ലോർ അക്കാദമി മുൻ സെക്രട്ടറിയുമായ എം. പ്രദീപ് കുമാർ പയ്യന്നൂരാണ് ആവിഷ്ക്കാരം നിർവ്വഹിച്ചിട്ടുള്ളത്.
മൂന്ന് ദിവസം പര്യടനം നടത്തുന്ന കലാ ജാഥ ചൊവ്വാഴ്ച രാവിലെ 10 മണി വടകര, ഉച്ചയ്ക്ക് 2.30 പേരാമ്പ്ര,വൈകുന്നേരം 4 മണി കൊയിലാണ്ടി, 5.30 ബാലുശ്ശേരി തുടങ്ങിയ സ്ഥലങ്ങളിൽ നാടകം അവതരിപ്പിക്കും. കലാജാഥയുടെ ജില്ല തല ഉദ്ഘാടനം കുറ്റ്യാടിയിൽ സംസ്കാര സാഹിതി ജില്ല ചെയർമാൻ കാവിൽ പി. മാധവൻ ഉദ്ഘാടനം ചെയ്തു.
നിയോജക മണ്ഡലം ചെയർമാൻ പി.പി. ദിനേശൻ അദ്ധ്യക്ഷനായി. പ്രമോദ് കക്കട്ടിൽ, നൊച്ചാട്ട് കുഞ്ഞബ്ദുല്ല, പ്രതീഷ് കോട്ടപ്പള്ളി, ശ്രീജേഷ് ഊരത്ത് , പി.കെ. സുരേഷ്,സുരേഷ് പാർവ്വതിപുരം, എസ്. ജെ. സജീവ് കുമാർ, എ.കെ.റഷീദ്, സി.കെ. രാമചന്ദ്രൻ, രാഹുൽ ചാലിൽ , കെ.പി. മജീദ്, നൗഷാദ് കോവില്ലത്ത്, സിദ്ധാർത്ഥ് നരിക്കൂട്ടുംചാൽ,പി.കെ. ഷമീർ, കെ. മൊയ്തു തുടങ്ങിയവർ സംസാരിച്ചു
The Kalajatha organized by Sanksha Sahitya for the New Year's Journey was remarkable.
