---
title: "സൂര്യനന്ദ് ഇന്ന് യാത്രതിരിക്കും; ഗുസ്തിമത്സരത്തിലേക്ക് ഒരു കുറ്റ്യാടിക്കാരൻ"
english_title: "Suryanand to leave today; A culprit to wrestling"
publisher: "kuttiadinews.in"
canonical_url: "https://kuttiadi.truevisionnews.com/news/45099/suryanand-to-leave-today-a-culprit-to-wrestling"
published_at: "2022-05-26T12:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/628f20efafeb4_sueyanandh.jpg"
keywords: []
---

# സൂര്യനന്ദ് ഇന്ന് യാത്രതിരിക്കും; ഗുസ്തിമത്സരത്തിലേക്ക് ഒരു കുറ്റ്യാടിക്കാരൻ

> **Lead Summary:** **കുറ്റ്യാടി : ** ത്ധാർഖണ്ഡിലെ റാഞ്ചിയിൽ നടക്കുന്ന ദേശീയ ഗുസ്തിമത്സരത്തിൽ പങ്കെടുക്കാനായി സൂര്യനന്ദ് വ്യാഴാഴ്ച യാത്രതിരിക്കും.

## Article Content

**കുറ്റ്യാടി : ** ത്ധാർഖണ്ഡിലെ റാഞ്ചിയിൽ നടക്കുന്ന ദേശീയ ഗുസ്തിമത്സരത്തിൽ പങ്കെടുക്കാനായി സൂര്യനന്ദ് വ്യാഴാഴ്ച യാത്രതിരിക്കും.

സംസ്ഥാനതല അണ്ടർ 15 ഗുസ്തിമത്സരത്തിലെ ഗ്രീക്കോ-റോമൻ വിഭാഗത്തിൽ സ്വർണമെഡൽ കരസ്ഥമാക്കി കുറ്റ്യാടിക്ക് അഭിമാനമായി സൂര്യനന്ദ്.

ഊരത്ത് മാവുള്ളചാലിലെ കുറ്റ്യാടി പഞ്ചായത്ത് സർവീസ് സഹകരണബാങ്കിലെ നിത്യനിധി കലക്ഷൻ ഏജൻറായ എം.സി. ചന്ദ്രന്റെയും, ഷിജിയുടെയും മകനായ സൂര്യനന്ദ് ദേശീയ മത്സരത്തിൽ കേരളത്തെ പ്രതിനിധീകരിക്കും.

കുറ്റ്യാടി എം.ഐ.യു.പി. സ്കൂളിൽനിന്നും ഏഴാംക്ലാസ് കഴിഞ്ഞതിനുശേഷം തിരുവനന്തപുരം ജി.വി. രാജ സ്മാരകസ്കൂളിലേക്ക് ഏട്ടാംക്ലാസിൽ പ്രവേശനം ലഭിച്ചതോടെയാണ് ഗുസ്തിയിൽ പരിശീലനം നേടുന്നത്.

സൂര്യനന്ദിനെ കെ.പി. കുഞ്ഞമ്മദ് കുട്ടി എം.­എൽ.എ., ബ്ലോക്ക് പ്രസിഡൻറ് കെ.പി. ചന്ദ്രി, പഞ്ചായത്ത് പ്രസിഡൻറ് ഒ.ടി. നഫീസ, ടി.കെ. മോഹൻദാസ്, എ.സി. അബ്ദുൾമജീദ് തുടങ്ങിയവർ അഭിനന്ദിച്ചു.

### Related Links & Sources
- [Original Story Source](https://kuttiadi.truevisionnews.com/news/45099/suryanand-to-leave-today-a-culprit-to-wrestling)