'മഴയാത്ര' ജൂലൈ 11-ന്; ചാത്തൻകോട്ടുനട എ.ജെ. ജോൺ മെമ്മോറിയൽ സ്കൂൾ പുതിയ കെട്ടിട ഉദ്ഘാടനം തിങ്കളാഴ്ച

കുറ്റ്യാടി: ചാത്തൻകോട്ടുനട എ.ജെ. ജോൺ മെമ്മോറിയൽ ഹയർ സെക്കൻഡറി സ്കൂളിന്റെ പുതിയ കെട്ടിടത്തിന്റെ ഉദ്ഘാടനം തിങ്കളാഴ്ച ഉച്ചയ്ക്ക് 2 മണിക്ക് നടക്കും.

വിദ്യാഭ്യാസ വകുപ്പ് മന്ത്രി എൻ. ഷംസുദ്ദീൻ ഉദ്ഘാടനം നിർവഹിക്കും. എം.എൽ.എ കെ.എം. അഭിജിത്ത് മുഖ്യാതിഥിയാകും. റവ. ഫാ. മാത്യു തെക്കേമുറിയിൽ എം.സി.ബി.എസ് അധ്യക്ഷത വഹിക്കും.

പരിപാടിയുടെ ഭാഗമായി ‘വിദ്യാരംഭം’ കലാ-സാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനവും വിദ്യാർഥികളുടെ കലാപരിപാടികളും നടക്കും.

ഇതോടനുബന്ധിച്ച് പരിസ്ഥിതി സംഘടന സേവ് സംഘടിപ്പിക്കുന്ന ‘മഴയാത്ര 2026’ന്റെ ഭാഗമായി ‘മഴവര’ പ്രദർശനവും ഒരുക്കിയിട്ടുണ്ട്. പ്രദർശനം എം.എൽ.എ കെ.എം. അഭിജിത്ത് ഉദ്ഘാടനം ചെയ്യും.

Also read: കായക്കൊടിയിൽ കർഷക സഭയും ഞാറ്റുവേല ചന്തയും; ഉദ്‌ഘാടനം ചെയ്‌ത്‌ ഗ്രാമ പഞ്ചായത്ത് പ്രസിഡന്റ് യു.വി. ബിന്ദു

ഈ വർഷത്തെ മഴയാത്ര ജൂലൈ 11-ന് വാളാംതോട് വെച്ച് കൃഷിമന്ത്രി ടി. സിദ്ദീഖ് ഉദ്ഘാടനം ചെയ്യുമെന്ന് സംഘാടകരായ ഇ.കെ സുരേഷ്കുമാർ, രജീഷ് പുത്തഞ്ചേരി, ഇസെഡ് എ. സൽമാൻആശാ സമം, ഷൗക്കത്തലി ഏരോത്ത് എന്നിവർ വാർത്താസമ്മേളനത്തിൽ അറിയിച്ചു.

Content Highlight: Inauguration of the new building at Chathankottunada A J J M H S S by Minister for Education N. Shamsudheen

#Latest News #AJJMHSS Chathamkottunada #Educational Minister #N Shamsudheen