#book | നാരങ്ങ മുട്ടായി നാളെ രുചിക്കാം; അക്ഷരോപഹാരവുമായി അധ്യാപകൻ പടിയിറങ്ങുന്നു

#book | നാരങ്ങ മുട്ടായി നാളെ രുചിക്കാം; അക്ഷരോപഹാരവുമായി അധ്യാപകൻ പടിയിറങ്ങുന്നു
Mar 1, 2024 01:03 PM | By MITHRA K P

കക്കട്ടിൽ: (kuttiadinews.in) ദീർഘകാലത്തെ അധ്യാപന പരിചയം സമ്മാനിച്ച അനുഭവങ്ങളുടെ നേർക്കാഴ്ചകൾ അക്ഷരങ്ങളിലൂടെ കോർത്തിണക്കി നാരങ്ങ മുട്ടായി എന്ന പുസ്തകം രചിച്ച് വട്ടോളി ഗവ.യുപി സ്കൂളിലെ അധ്യാപകൻ രമേശ് ബാബു കാക്കന്നൂർ പടിയിറങ്ങുന്നു.

കടന്നുവന്ന നാൾവഴികളിൽ ചേർത്തുവെച്ച കുഞ്ഞു മുഖങ്ങൾ പതിപ്പിച്ച അനുഭവ സ്മരണകളെ സൂക്ഷ്മ സുന്ദരമായ ഭാഷയിൽ വീണ്ടെടുത്ത് ആവിഷ്കരിക്കുന്ന ഗ്രന്ഥമാണ് നാരങ്ങ മുട്ടായി. കുഞ്ഞുങ്ങൾ കൈപിടിച്ചു നടക്കുന്ന ഒരധ്യാപകൻ ഈ പുസ്തകത്തിലുണ്ട്.

കൗതുകങ്ങൾ ഒളിപ്പിച്ച ആ കണ്ണുകളിലെ മഴയും വെയിലും മഞ്ഞും അയാൾ തിരിച്ചറിയുന്നു. അവരുടെ വിസ്മയലോകത്തേക്ക് സ്നേഹ മഞ്ചാടികൾ വിതറുന്നു. കുഞ്ഞുഭാവനയ്ക്ക് നിറം നൽകുന്നു.

ആക്കുളം ഗവ. യു.പി സ്കൂളിൽ തുടങ്ങി എട്ട് വിദ്യാലയങ്ങളിലൂടെ, തൻ്റെ അധ്യാപനജീവിതത്തിൽ തൻ്റെ വിദ്യാർത്ഥികൾ ക്ലാസ് മുറികളിലേക്ക് കൊണ്ടുവന്ന നർമങ്ങളിലൂടെയും മറക്കാനാവാത്ത ഓർമകളിലൂടെയും എഴുത്തുകാരനായ അധ്യാപകന്റെ കാലിഡോസ്കോപ്പിലൂടെ നോക്കിക്കാണാനും അധ്യാപകരുടെയും വിദ്യാർഥികളുടെയും രണ്ടാം ഭവനമായി മാറുന്ന വിദ്യാലയങ്ങളിലൂടെ അലഞ്ഞു തിരിയാനും ക്ഷണിക്കുകയാണ് ഈ പുസ്തകം.

ഹാർമോണിയം പബ്ലിക്ക പ്രസിദ്ധീകരിച്ച ഈ പുസ്തകം നാളെ വൈകുന്നേരം നാലുമണിക്ക് പ്രശസ്ത സാഹിത്യകാരൻ പ്രൊ.കൽപ്പറ്റ നാരായണൻ വട്ടോളി ഗവ.യുപി സ്കൂളിൽ വെച്ച് പ്രകാശനം ചെയ്യും. ജയചന്ദ്രൻ മൊകേരി, നവാസ് മൂന്നാംകൈ, ബിജു കാവിൽ തുടങ്ങി കലാ-സാംസ്കാരിക രംഗത്തെ പ്രമുഖർ ചടങ്ങിൽ സംബന്ധിക്കുന്നതാണ്.

#taste #narangamuttayi #tomorrow #teacher #steps #out #spell

Next TV

Related Stories
#kottiyoortemple|ഓഹോയ്.. ഓഹ്..... വൃതം നോറ്റ് നഗ്നപാദരായി ദക്ഷന്റെ യാഗഭൂമിയായ കൊട്ടിയൂരിലേക്ക്

May 29, 2024 04:12 PM

#kottiyoortemple|ഓഹോയ്.. ഓഹ്..... വൃതം നോറ്റ് നഗ്നപാദരായി ദക്ഷന്റെ യാഗഭൂമിയായ കൊട്ടിയൂരിലേക്ക്

കുറ്റ്യാടി ഊരത്ത് കുനിയിൽ ഇളനീർക്കാരുടെ സംഘവും കൊട്ടിയൂരിലേക്ക്...

Read More >>
#metrohospital||സൗഹൃദങ്ങള്‍ക്ക് പ്രായമാകുന്നില്ല; പരസ്പരം താങ്ങായി ഈ ഡോക്ടര്‍മാര്‍

May 28, 2024 01:05 PM

#metrohospital||സൗഹൃദങ്ങള്‍ക്ക് പ്രായമാകുന്നില്ല; പരസ്പരം താങ്ങായി ഈ ഡോക്ടര്‍മാര്‍

ഏതു നഗരത്തിലും ജോലിചെയ്യാനും ജീവിക്കാനും ആവശ്യമായ സകല ഭൗതികസൗകര്യങ്ങളുമുണ്ടായിരുന്നിട്ടും യൂസഫ് ഡോക്ടറും ശങ്കരന്‍ ഡോക്ടറും അരനൂറ്റാണ്ടായി ഈ...

Read More >>
#Kuttiadypolicestationattack | ലക്ഷ്യം പാളി; കുറ്റ്യാടി പൊലീസ് സ്റ്റേഷൻ അക്രമം ഇന്നലെയെന്ന പോലെ ഓർത്ത് കടുങ്ങോൻ

Dec 19, 2023 07:38 PM

#Kuttiadypolicestationattack | ലക്ഷ്യം പാളി; കുറ്റ്യാടി പൊലീസ് സ്റ്റേഷൻ അക്രമം ഇന്നലെയെന്ന പോലെ ഓർത്ത് കടുങ്ങോൻ

പ്രതിഷേധത്തിന്റെ ആ ഇടി മുഴക്കം ഇന്നും ഈ കാതുകളിൽ നിന്ന്...

Read More >>
Top Stories