കായക്കൊടി:(kuttiadi.truevisionnews.com) പിന്നോക്ക വിഭാഗങ്ങളുടെ ഉന്നമനം ലക്ഷ്യമിട്ട് കൊണ്ട് നവീകരിച്ച കായക്കൊടി പഞ്ചായത്തിലെ പട്ടികജാതി വ്യവസായ പരിശീലന കേന്ദ്രം ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. ആധുനിക സൗകര്യങ്ങളോട് കൂടിയാണ് ഈ കേന്ദ്രം നവീകരിച്ചിരിക്കുന്നത്.
പഞ്ചായത്ത് പ്രസിഡന്റ് ഒ പി ഷിജിൽ അധ്യക്ഷനായ ചടങ്ങിൽ, ജില്ലാ പഞ്ചായത്ത് സ്ഥിരം സമിതി അധ്യക്ഷൻ പി സുരേന്ദ്രൻ, ജില്ലാ പഞ്ചായത്തംഗം സി എം യശോദ എന്നിവർ മുഖ്യാതിഥികളായി പങ്കെടുത്തു. വിവിധ ജനപ്രതിനിധികളും രാഷ്ട്രീയ പാർട്ടി പ്രതിനിധികളും ചടങ്ങിൽ പങ്കെടുത്തു.
അംഗങ്ങളായ എ ഉമ, കെ പി ബിജു, എം ടി കുഞ്ഞബ്ദുള്ള, കുമ്പളംകണ്ടി അമ്മദ്, ഒ പി മനോജൻ, അഷ്റഫ്, അബ്ദുൾ ലത്തീഫ്, അബ്ദുൾ റഫീക്ക്, സി പി ജലജ, കെ ശോഭ, എം ടി അജിഷ, സി കെ ഷൈമ എന്നിവർ സംസാരിച്ചു. രാഷ്ട്രീയപാർടി പ്രതിനിധികളായ ഇ കെ പോക്കർ, കെ രാജൻ എന്നിവരും ആശംസകൾ നേർന്നു. പഞ്ചായത്ത് സ്ഥിരം സമിതി അധ്യക്ഷ സരിത മുരളി സ്വാഗത പ്രസംഗം നടത്തി, കെ പി സുമതി നന്ദിയും പറഞ്ഞു.
The renovated Scheduled Caste Industrial Training Center in Kayakodi Panchayat was inaugurated.
.png)
