കുറ്റ്യാടി: (kuttiadi.truevisionnews.com) പാലയാട് ദേശീയ വായനശാലക്ക് എം എൽ എ ഫണ്ടുപയോഗിച്ച് നിർമ്മിച്ച പുതിയ കെട്ടിടം കെ.പി. കുഞ്ഞമ്മദ് കുട്ടി എം.എൽ.എ നിർവഹിച്ചു.
പഞ്ചായത്ത് പ്രസിഡന്റ് ടി.കെ. അഷറഫ് അദ്ധ്യക്ഷത വഹിച്ചു.
ഉദ്ഘാടനത്തോടനുബന്ധിച്ച് "ഗ്രാമോൽസവം" എന്ന പേരിൽ പാലയാടിൻ്റെ വിവിധ ഭാഗങ്ങളിൽ വിവിധ പരിപാടികൾ സംഘടിപ്പിച്ചു.
എ. ഐ സാങ്കേതിക വിദ്യയിലെ പരിശീലന ക്ലാസ്സ്, വനിതാസംഗമം, വായനശാലയുടെ പഴയ കാല പ്രവർത്തകരെ ആദരിക്കൽ, സാഹിത്യ സദസ്, വിവിധ തൊഴിൽ മേഖലയിലെ മുതിർന്ന പ്രഗത്ഭരെ ആദരിക്കൽ തുടങ്ങിയ പരിപാടികൾ അനുബന്ധമായി നടന്നു.
ഉദ്ഘാടനച്ചടങ്ങിൻ്റെ ഭാഗമായി ജനുവരി 1, 2 തീയ്യതികളിൽ കലാപരിപാടികളും അരങ്ങേറി.
ആദ്യ ദിവസം അംഗനവാടി കുട്ടികൾ മുതൽ മുതിർന്ന വനിതകൾ വരെയുള്ളവരുടെ വൈവിധമാർന്ന നൃത്തനൃത്ത്യങ്ങൾ അരങ്ങേറി.
ജനുവരി 2ന് പാലയാട് നടയിൽ നടന്ന ഉദ്ഘാടന ചടങ്ങിൽ വാർഡ് മെമ്പർ ടി.പി.ശോഭന, ഷൈജു പള്ളിപ്പറമ്പത്ത്, .രാഘവൻ, കെ.വി. സത്യൻ, ഷൈജു പള്ളിപ്പറമ്പത്ത്, ടി.എൻ മനോജ്, വി.പി. സുരേന്ദ്രൻ , നബൊയിൽ പത്മനാഭൻ, ബാബുരാജ് സി.ടി ഇ.നാരായണൻ മാസ്റ്റർ, സി.എച്ച് ശ്രീനിവാസൻ മാസ്റ്റർ എന്നിവർ സംസാരിച്ചു.
വായനശാല പ്രസിദ്ധികരിച്ച സ്മരണികയുടെ പ്രകാശനം നിർവഹിച്ചുകൊണ്ട് യുവ എഴുത്തുകാരി ശ്യാമിലി പ്രവീൺ എം.ടി. അനുസ്മരണ പ്രഭാഷണം നടത്തി.
വടകര സംസ്കൃതം ഹയർ സെക്കൻ്ററി സ്കൂൾ എൻ.എസ്.എസ്. യൂണിറ്റ് വായനശാലക്ക് സമ്മാനിച്ച പുസ്തക ശേഖരം എം.എൽ.എ. ഏറ്റുവാങ്ങി. നവരസ മ്യൂസിക് ബാൻ്റും അരങ്ങേറി.
ജനറൽ കൺവിനർ കെ.കെ. രാജേഷ് മാസ്റ്റർ സ്വാഗതവും ഷൈജു എം.കെ. നന്ദിയം പറഞ്ഞു.
#village #festival #new #building #Palayad #National #Library #inaugurated
