#paddyproduction | പൊൻ വിളഞ്ഞു; കുറ്റ്യാടി മണ്ഡലത്തിൽ നെല്ലുൽപാദനത്തിൽ വൻ വർദ്ധനവ്

#paddyproduction  |   പൊൻ വിളഞ്ഞു; കുറ്റ്യാടി മണ്ഡലത്തിൽ നെല്ലുൽപാദനത്തിൽ വൻ വർദ്ധനവ്
Jul 10, 2024 04:49 PM | By Sreenandana. MT

കുറ്റ്യാടി :(kuttiadi.truevisionnews.com) നിയോജകമണ്ഡലത്തിൽ നെല്ലുൽപാദനത്തിൽ വലിയ വർദ്ധനവ്. ജില്ലയിലെ പ്രധാനപ്പെട്ട നെല്ലുൽപാദന കേന്ദ്രമാണ് കുറ്റ്യാടി നിയോജകമണ്ഡലം. മണിയൂർ,ആയഞ്ചേരി, ,വേളം കുറ്റ്യാടി, തിരുവള്ളൂർ എന്നീ ഗ്രാമപഞ്ചായത്തുകളിലെ പാടശേഖരങ്ങളാണ് നെല്ലുൽപാദനത്തിൽ വലിയ പങ്കുവഹിക്കുന്നത്.

2021-22 സാമ്പത്തിക വർഷം 683.8 മെട്രിക്ക് ടൺ ആയിരുന്ന നെൽ ഉൽപ്പാദനം 2022-23 വർഷം 804.561മെട്രിക്ക് ടൺ ആയി ഉയർന്നു. 120.7 ടണ്ണിൻറെ വർദ്ധനവാണ് ഉണ്ടായിട്ടുള്ളത്. കുറ്റ്യാടി ഇറിഗേഷൻ കനാലിലൂടെയുള്ള ജലസേചനം പരമാവധി നെൽപ്പാടങ്ങളിലും എത്തിക്കാൻ സാധിച്ചിട്ടുണ്ട് എന്നത് ഉൽപാദന വർദ്ധനവിന് ഒരു പ്രധാന കാരണമാണെന്ന് കെ.പി കുഞ്ഞമ്മദ് കുട്ടിമാസ്റ്റർ എം എൽ എ പറഞ്ഞു.

കഴിഞ്ഞ സീസണിൽ കനാലിനുണ്ടായ പ്രധാന തകരാറുകൾ പരിഹരിക്കാൻ സാധിച്ചിരുന്നു. മുൻകാലങ്ങളിൽ നെല്ല് കൊയ്യാറാകുമ്പോൾ ചില പാടശേഖരങ്ങളിൽ ജലം എത്തുകയും നെല്ല് നശിച്ചുപോകുന്ന അവസ്ഥയും ഉണ്ടായിരുന്നു. ഇത്തവണ ജലവിതരണത്തിൽ നല്ല നിയന്ത്രണം ഉണ്ടാവുകയും, കൊയ്ത്ത് മികച്ച രീതിയിൽ നടക്കുകയും ചെയ്തു.

കൂടാതെ കൃഷിഭവനുകൾ മുഖേന കർഷകർക്ക് ശാസ്ത്രീയമായ കൃഷി രീതികൾ അവലംബിക്കുന്നതിനുള്ള സേവനങ്ങൾ ലഭ്യമായിട്ടുണ്ട് എന്നതും പ്രയോജനകരമായി. കുറ്റ്യാടിനിയോജകമണ്ഡലം കൃഷി വികസന പദ്ധതിയുടെ ഭാഗമായി വിവിധ തലങ്ങളിൽ യോഗങ്ങൾ വിളിച്ച് കാർഷിക ഉത്പാദന സംബന്ധിച്ചിട്ടുള്ള വിലയിരുത്തൽ നടന്നിട്ടുണ്ട്.

വിവിധ വകുപ്പുകൾ ഒരുമിപ്പിച്ചുകൊണ്ട് സെമിനാറും നടത്തുകയുണ്ടായി. കർഷകർ നേരിടുന്ന വിവിധ പ്രയാസങ്ങൾ ഈ സെമിനാറിൽ വകുപ്പുതല ഉദ്യോഗസ്ഥന്മാരുടെ സാന്നിധ്യത്തിൽ ചർച്ച ചെയ്തിരുന്നു. പ്രധാനമായും കർഷകരുടെയും, കൃഷിവകുപ്പിന്റെയും ,ജലസേചന വകുപ്പിന്റെയും മികച്ച പ്രവർത്തനങ്ങളാണ് മികച്ച രീതിയിലുള്ള കാർഷികോൽപാദനത്തിലേക്ക് നയിച്ചത്.

തേങ്ങയുടെ ഉൽപാദനത്തിലും ഏത്തവഴയുടെ ഉൽപാദനത്തിലും 2021-22 വർഷത്തേക്കാൾ വർദ്ധനവ് 22-23 വർഷത്തിൽ ഉണ്ടായിട്ടുണ്ട്. സംസ്ഥാന സർക്കാർ നടപ്പിലാക്കുന്ന കേരഗ്രാമ പദ്ധതി ലക്ഷ്യം കൈവരിക്കുന്നുണ്ട് എന്നതിന്റെ സൂചനയാണ് തേങ്ങ ഉൽപ്പാദനത്തിലുള്ള വർദ്ധനവ്.

മികച്ച കാർഷിക ഉൽപാദനം കൈവരിക്കുന്നതിന് വേണ്ടി പ്രയത്നിച്ച കർഷകർക്കും കൃഷിവകുപ്പ് ഉദ്യോഗസ്ഥർക്കും ജലസേചന വകുപ്പ് ഉദ്യോഗസ്ഥർക്കും നന്ദി രേഖപ്പെടുത്തുന്നു. തുടർ വർഷങ്ങളിലും ഇതിലും വലിയ നേട്ടം കൈവരിക്കാൻ സാധിക്കും എന്ന് തന്നെയാണ് പ്രതീക്ഷിക്കുന്നതെന്ന് കെ പി കുഞ്ഞമ്മത് കുട്ടി മാസ്റ്റർ എംഎൽഎ പറഞ്ഞു.

#gold #bloomed #Huge #increase #paddy #production #Kuttyadi #constituency

Next TV

Related Stories
ചീക്കോന്ന് എം.എൽ.പി സ്കൂളിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു

Feb 11, 2025 07:30 PM

ചീക്കോന്ന് എം.എൽ.പി സ്കൂളിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു

ചീക്കോന്ന് എം.എൽ.പി സ്കൂൾ നമ്പ്യത്താംകുണ്ട് പൂർവ്വ വിദ്യാർത്ഥി സംഗമത്തിന്റെ ഭാഗമായി കോഴിക്കോട് മിംസ് ഹോസ്‌പിറ്റലുമായി ചേർന്ന് സൗജന്യ മെഡിക്കൽ...

Read More >>
ജൂൺ മാസത്തോടെ കുറ്റ്യാടി  മണിമലയിൽ വ്യവസായങ്ങൾ ആരംഭിക്കും; വ്യവസായ വകുപ്പ് മന്ത്രി പി രാജീവ് നിയമസഭയിൽ

Feb 11, 2025 01:50 PM

ജൂൺ മാസത്തോടെ കുറ്റ്യാടി മണിമലയിൽ വ്യവസായങ്ങൾ ആരംഭിക്കും; വ്യവസായ വകുപ്പ് മന്ത്രി പി രാജീവ് നിയമസഭയിൽ

2025 ജൂണിൽ വ്യവസായങ്ങൾക്ക് സ്ഥലം അനുവദിച്ചു കൊടുക്കാൻ സാധിക്കുമെന്ന് പ്രതീക്ഷിക്കുന്നതായി വ്യവസായ വകുപ്പ് മന്ത്രി പി...

Read More >>
ഡി​ഗ്ലൂട്ടോളജി വിഭാഗം; ഭക്ഷണം കഴിക്കാൻ സാധിക്കുന്നില്ലേ? എങ്കിൽ വടകര പാർകോയിൽ വരൂ

Feb 11, 2025 12:42 PM

ഡി​ഗ്ലൂട്ടോളജി വിഭാഗം; ഭക്ഷണം കഴിക്കാൻ സാധിക്കുന്നില്ലേ? എങ്കിൽ വടകര പാർകോയിൽ വരൂ

പാർകോ ഡി​ഗ്ലൂട്ടോളജി വിഭാ​ഗത്തിൽ മുഹമ്മദ് ബാസിമിന്റെ നേതൃത്വത്തിൽ മികച്ച...

Read More >>
തണൽ ഇന്റർ സ്കൂൾ ആർട്‌സ് ഫെസ്റ്റ് ചാമ്പ്യൻമാരായി കുറ്റ്യാടി തണൽ സ്കൂൾ

Feb 11, 2025 12:25 PM

തണൽ ഇന്റർ സ്കൂൾ ആർട്‌സ് ഫെസ്റ്റ് ചാമ്പ്യൻമാരായി കുറ്റ്യാടി തണൽ സ്കൂൾ

വൊക്കേഷണൽ, സ്കൂൾ, ഇഐസി തുടങ്ങിയ വിഭാഗങ്ങളിൽ കുറ്റ്യാടി തണൽ ഓവറോൾ...

Read More >>
എ.ജെ ജോൺ മെമ്മോറിയൽ ഹയർസെക്കൻഡറി സ്കൂൾ എൻ എസ് എസ് സ്‌കീം  മുട്ടക്കോഴികളെയും കോഴിക്കൂടും വിതരണം ചെയ്തു

Feb 10, 2025 09:13 PM

എ.ജെ ജോൺ മെമ്മോറിയൽ ഹയർസെക്കൻഡറി സ്കൂൾ എൻ എസ് എസ് സ്‌കീം മുട്ടക്കോഴികളെയും കോഴിക്കൂടും വിതരണം ചെയ്തു

പദ്ധതിയുടെ ഭാഗമായി അർഹരായ വിദ്യാർഥികൾക്ക് മുട്ടക്കോഴികളെയും കോഴിക്കൂടും വിതരണം...

Read More >>
'ആരോഗ്യം ആനന്ദം'; ക്യാൻസർ പ്രതിരോധ ജനകീയ ക്യാമ്പയിൻ ഉദ്ഘാടനം ചെയ്തു

Feb 10, 2025 01:49 PM

'ആരോഗ്യം ആനന്ദം'; ക്യാൻസർ പ്രതിരോധ ജനകീയ ക്യാമ്പയിൻ ഉദ്ഘാടനം ചെയ്തു

ക്യാൻസർ പ്രതിരോധ ജനകീയ ക്യാമ്പയിൻ 'ആരോഗ്യം ആനന്ദം' മരുതോങ്കര പഞ്ചായത്ത്തല ഉദ്ഘാടനം പ്രസിഡൻ്റ് കെ സജിത്ത്...

Read More >>
Top Stories










News Roundup






Entertainment News