---
title: "വിലക്കയറ്റം തടയുക; കുറ്റ്യാടിയിൽ പന്തം കൊളുത്തി പ്രതിഷേധ പ്രകടനവുമായി എസ്.ഡി.പി.ഐ"
english_title: "SDPI Holds Torch Protest in Kuttiady Against Price Hike"
publisher: "kuttiadinews.in"
canonical_url: "https://kuttiadi.truevisionnews.com/news/391994/kuttiady-torch-protest-price-hike"
published_at: "2026-11-17T14:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afc1c3e5e7a6_kuttiady-torch-protest-price-hike.jpg"
keywords: ["PriceHike", "SDPI", "Kuttiady", "PublicDistribution", "EssentialGoods"]
---

# വിലക്കയറ്റം തടയുക; കുറ്റ്യാടിയിൽ പന്തം കൊളുത്തി പ്രതിഷേധ പ്രകടനവുമായി എസ്.ഡി.പി.ഐ

> **Lead Summary:** **കുറ്റ്യാടി: **അവശ്യസാധനങ്ങളുടെ രൂക്ഷമായ വിലക്കയറ്റം തടയുക, പൊതുവിതരണ സംവിധാനം ശക്തിപ്പെടുത്തുക എന്നീ ആവശ്യങ്ങൾ ഉന്നയിച്ച് എസ്.ഡി.പി.ഐ കുറ്റ്യാടിയിൽ 'ജനരോഷത്തിന്റെ തീപ്പന്തം' എന്ന പേരിൽ പ്രതിഷേധ പ്രകടനം സംഘടിപ്പിച്ചു.

## Article Content

**കുറ്റ്യാടി: **അവശ്യസാധനങ്ങളുടെ രൂക്ഷമായ വിലക്കയറ്റം തടയുക, പൊതുവിതരണ സംവിധാനം ശക്തിപ്പെടുത്തുക എന്നീ ആവശ്യങ്ങൾ ഉന്നയിച്ച് എസ്.ഡി.പി.ഐ കുറ്റ്യാടിയിൽ 'ജനരോഷത്തിന്റെ തീപ്പന്തം' എന്ന പേരിൽ പ്രതിഷേധ പ്രകടനം സംഘടിപ്പിച്ചു.

അരിയും പയറും ഉൾപ്പെടെയുള്ള നിത്യോപയോഗ സാധനങ്ങളുടെ വില കുതിച്ചുയരുന്നത് മൂലം സാധാരണക്കാരുടെ അടുക്കള പുകയാത്ത അവസ്ഥയാണെന്ന് പ്രതിഷേധക്കാർ ചൂണ്ടിക്കാട്ടി. കുത്തകകൾക്കുവേണ്ടി വിപണി തുറന്നുകൊടുക്കുന്ന കേന്ദ്ര-സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ പ്രകടനത്തിൽ ശക്തമായ പ്രതിഷേധം ഉയർന്നു.

വിപണിയിൽ സർക്കാർ അടിയന്തരമായി ഇടപെടുക, പൂഴ്ത്തിവെപ്പും കരിഞ്ചന്തയും തടയാൻ കർശന നടപടി സ്വീകരിക്കുക, പൊതുവിതരണ സംവിധാനം കാര്യക്ഷമമാക്കുക തുടങ്ങിയ ആവശ്യങ്ങൾ ഉയർത്തിയായിരുന്നു സമരം. വിലക്കയറ്റം നിയന്ത്രിക്കാൻ സർക്കാരുകൾ തയ്യാറായില്ലെങ്കിൽ വരും ദിവസങ്ങളിൽ ശക്തമായ ജനകീയ പ്രക്ഷോഭങ്ങളിലേക്ക് നീങ്ങുമെന്നും പ്രവർത്തകർ മുന്നറിയിപ്പ് നൽകി.

> SDPI organized a torch protest in Kuttiady under the banner “Firebrand of Public Anger,” demanding action to curb the sharp rise in essential commodity prices and strengthen the public distribution system. Protesters accused the Centre and state of policies that favor monopolies and warned of intensified public agitations if prices are not controlled.

### Related Links & Sources
- [Original Story Source](https://kuttiadi.truevisionnews.com/news/391994/kuttiady-torch-protest-price-hike)