---
title: "തെങ്ങിൻ മഹാത്മ്യം പറഞ്ഞ് കുറ്റ്യാടി സ്കൂൾ വിദ്യാർഥികൾ: നാളികേര ദിനാഘോഷത്തിന്റെ ഭാഗമായി വിഭവസമൃദ്ധമായ പ്രദർശനം സംഘടിപ്പിച്ചു"
english_title: "World Coconut Day Celebrations Kuttiyadi Govt Higher Secondary School"
publisher: "kuttiadinews.in"
canonical_url: "https://kuttiadi.truevisionnews.com/news/380907/world-coconut-day-celebrations-kuttiyadi-govt-higher-secondary-school"
published_at: "2026-09-02T22:41:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9858d525bd4_kuttiady.jpg"
keywords: ["World Coconut Day", "Kuttiyadi News", "Kuttiyadi GHSS"]
---

# തെങ്ങിൻ മഹാത്മ്യം പറഞ്ഞ് കുറ്റ്യാടി സ്കൂൾ വിദ്യാർഥികൾ: നാളികേര ദിനാഘോഷത്തിന്റെ ഭാഗമായി വിഭവസമൃദ്ധമായ പ്രദർശനം സംഘടിപ്പിച്ചു

> **Lead Summary:** **കുറ്റ്യാടി: **ലോക നാളികേര ദിനാചരണത്തിന്റെ ഭാഗമായി കുറ്റ്യാടി ഗവ. ഹയർ സെക്കൻഡറി സ്‌കൂൾ പരിസ്ഥിതി ക്ലബ്ബ് സംഘടിപ്പിച്ച നാളികേര ദിനാഘോഷ പരിപാടികൾ സമാപിച്ചു. ദിനാചരണത്തോട് അനുബന്ധിച്ച് വൈവിധ്യമാർന്ന പരിപാടികളാണ് സ്‌കൂളിൽ വിദ്യാർഥികൾക്കായി ഒരുക്കിയിരുന്നത്.

## Article Content

**കുറ്റ്യാടി: **ലോക നാളികേര ദിനാചരണത്തിന്റെ ഭാഗമായി കുറ്റ്യാടി ഗവ. ഹയർ സെക്കൻഡറി സ്‌കൂൾ പരിസ്ഥിതി ക്ലബ്ബ് സംഘടിപ്പിച്ച നാളികേര ദിനാഘോഷ പരിപാടികൾ സമാപിച്ചു. ദിനാചരണത്തോട് അനുബന്ധിച്ച് വൈവിധ്യമാർന്ന പരിപാടികളാണ് സ്‌കൂളിൽ വിദ്യാർഥികൾക്കായി ഒരുക്കിയിരുന്നത്.

**

നാളികേരം കൊണ്ടുണ്ടാക്കിയ വ്യത്യസ്തങ്ങളായ ഭക്ഷണപദാർത്ഥങ്ങൾ, തെങ്ങിൽ നിന്നുള്ള വിവിധ ഉൽപ്പന്നങ്ങൾ, തെങ്ങോല കൊണ്ടുള്ള കളിപ്പാട്ടങ്ങൾ എന്നിവയുടെ നിർമ്മാണവും പ്രദർശനവും ആഘോഷത്തിന്റെ ഭാഗമായി നടന്നു. പരിസ്ഥിതി ക്ലബ്ബ് കോഡിനേറ്റർ അമ്പിളി കെ.ആറിന്റെ നേതൃത്വത്തിലാണ് എക്‌സിബിഷൻ സംഘടിപ്പിച്ചത്. കുട്ടികളിൽ നാളികേരത്തിന്റെ പ്രാധാന്യത്തെക്കുറിച്ചും ഉപയോഗങ്ങളെക്കുറിച്ചും ബോധവൽക്കരണം നൽകാൻ പരിപാടി സഹായിച്ചു.

ഡെപ്യൂട്ടി ഹെഡ്മിസ്ട്രസ് സുജിത എ.പി പ്രദർശനവും ദിനാഘോഷവും ഉദ്ഘാടനം ചെയ്തു. ചടങ്ങിൽ അധ്യാപകരായ സന്ധ്യ എൽ.എസ്, ബബിത സി.പി, അകേഷ് കെ.വി എന്നിവർ സംസാരിക്കുകയും പങ്കാളികളാവുകയും ചെയ്തു. നൂറുകണക്കിന് വിദ്യാർഥികളും രക്ഷിതാക്കളും പ്രദർശനം കാണാൻ എത്തിയിരുന്നു.

English Summary:**

As part of World Coconut Day, the Environment Club of Kuttiyadi Government Higher Secondary School organized a coconut festival and exhibition. The event featured various traditional coconut dishes, coconut-based products, and handcrafted palm leaf toys. Environment Club Coordinator Ambili K.R. led the exhibition. Deputy Headmistress Sujitha A.P. inaugurated the function, with Sandhya L.S., Babitha C.P., and Akesh K.V. in attendance.

### Related Links & Sources
- [Original Story Source](https://kuttiadi.truevisionnews.com/news/380907/world-coconut-day-celebrations-kuttiyadi-govt-higher-secondary-school)