---
title: "കുറ്റ്യാടിയിൽ കാറും സ്കൂട്ടറും കൂട്ടിയിടിച്ച് യുവതിക്ക് ഗുരുതര പരിക്കേറ്റ സംഭവത്തിൽ കാർ ഡ്രൈവർക്കെതിരെ കേസ്"
english_title: "Case filed against car driver in Kuttiadi accident, woman seriously injured"
publisher: "kuttiadinews.in"
canonical_url: "https://kuttiadi.truevisionnews.com/news/364190/case-filed-against-car-driver-in-kuttiadi-accident-woman-seriously-injured"
published_at: "2026-06-06T11:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a23b42ec9c3b_Kuttiadi_accident.jpg"
keywords: ["Latest News", "Kuttiady", "Road Accident", "Car Scooter Crash Kuttiady"]
---

# കുറ്റ്യാടിയിൽ കാറും സ്കൂട്ടറും കൂട്ടിയിടിച്ച് യുവതിക്ക് ഗുരുതര പരിക്കേറ്റ സംഭവത്തിൽ കാർ ഡ്രൈവർക്കെതിരെ കേസ്

> **Lead Summary:** കുറ്റ്യാടി: അമിതവേഗതയിലെത്തിയ കാറിടിച്ച് സ്കൂട്ടർ യാത്രികയായ യുവതിക്ക് ഗുരുതരമായി പരിക്കേറ്റ സംഭവത്തിൽ കാർ ഡ്രൈവർക്കെതിരെ പോലീസ് കേസെടുത്തു. വളയന്നൂർ സ്വദേശി കുളമുള്ളപറമ്പത്ത് ജസ്ന പി.കെ യ്ക്കാണ് പരിക്കേറ്റത്.

## Article Content

കുറ്റ്യാടി: അമിതവേഗതയിലെത്തിയ കാറിടിച്ച് സ്കൂട്ടർ യാത്രികയായ യുവതിക്ക് ഗുരുതരമായി പരിക്കേറ്റ സംഭവത്തിൽ കാർ ഡ്രൈവർക്കെതിരെ പോലീസ് കേസെടുത്തു. വളയന്നൂർ സ്വദേശി കുളമുള്ളപറമ്പത്ത് ജസ്ന പി.കെ യ്ക്കാണ് പരിക്കേറ്റത്.

കഴിഞ്ഞ ജൂൺ 1-ന് വൈകുന്നേരം 5.45-ഓടെയായിരുന്നു അപകടം. ജസ്ന സ്കൂട്ടറിൽ തൊട്ടിൽപ്പാലം റോഡിൽ നിന്നും കുറ്റ്യാടി താലൂക്കാശുപത്രിയിലേക്ക് പോവുകയായിരുന്നു. എതിർദിശയിൽ നിന്നും അശ്രദ്ധമായും അമിതവേഗതയിലും വന്ന കാർ ജസ്ന സഞ്ചരിച്ച സ്കൂട്ടറിൽ ശക്തമായി ഇടിക്കുകയായിരുന്നുവെന്ന് പരാതിയിൽ പറയുന്നു.

ഇടിയുടെ ആഘാതത്തിൽ റോഡിലേക്ക് തെറിച്ചുവീണ ജസ്നയ്ക്ക് ഗുരുതരമായി പരിക്കേറ്റു. വലതു കൈയുടെ ഷോൾഡറിന് പരിക്കേൽക്കുകയും നട്ടെല്ലിന് താഴെയുള്ള എല്ല് പൊട്ടുകയും ചെയ്തതിനെ തുടർന്ന് ജസ്ന ഗുരുതരാവസ്ഥയിൽ ചികിത്സയിലാണ്. സംഭവത്തിൽ പരാതിക്കാരിയുടെ മൊഴിയുടെ അടിസ്ഥാനത്തിൽ കാർ ഓടിച്ച പ്രതിക്കെതിരെ കുറ്റ്യാടി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

### Related Links & Sources
- [Original Story Source](https://kuttiadi.truevisionnews.com/news/364190/case-filed-against-car-driver-in-kuttiadi-accident-woman-seriously-injured)