കുന്നുമ്മൽ: (https://kuttiadi.truevisionnews.com/) കുന്നുമ്മൽ ഗ്രാമപഞ്ചായത്തിലെ 14-ാം വാർഡിൽ ഉൾപ്പെട്ട അമ്പലക്കുളങ്ങര - പനയന്റെ മുക്ക് റോഡ് പുനരുദ്ധാരണ പ്രവൃത്തിയുടെ ഉദ്ഘാടനം ഇന്ന് നടക്കും. 2024-25 വാർഷിക പദ്ധതിയിൽ ഉൾപ്പെടുത്തിയാണ് റോഡിന്റെ നവീകരണ പ്രവർത്തനങ്ങൾ നടപ്പിലാക്കുന്നത്.
വൈകുന്നേരം 4 മണിക്ക് നടക്കുന്ന ചടങ്ങിൽ കുന്നുമ്മൽ ഗ്രാമപഞ്ചായത്ത് പ്രസിഡന്റ് ശ്രീ. കെ.ടി. ചന്ദ്രൻ പ്രവൃത്തി ഉദ്ഘാടനം നിർവ്വഹിക്കും. 14-ാം വാർഡിലെ മെമ്പർ ശ്രീ. എം.ടി. രവീന്ദ്രൻ അധ്യക്ഷത വഹിക്കുന്ന ചടങ്ങിൽ 15-ാം വാർഡിലെ മെമ്പർ ശ്രീ. എലിയാറ ആനന്ദൻ സ്വാഗതം ആശംസിക്കും. പ്രദേശത്തെ ജനപ്രതിനിധികളും സാമൂഹിക പ്രവർത്തകരും ചടങ്ങിൽ സംബന്ധിക്കും.
Towards a new road..; Ambalakulangara - Panayante Mukku road renovation; Work inauguration today
